الخبز الشهي بطريقة إحترافية جدا طريقة تحضير وطهي و صناعة
الخبز بطريقة إحترافية كأصحاب المخبزات الخبز
تعرف عليها هنا خبز الشهي المغربي الأصيل
المقادير :
1 كيلوغرام طحين ممتاز ( أنا كنعمل د الحلويات )
4 م ك ميزينا كنخلطها مع الطحين ملح حسب الذوق
1 م ك عامرة سكر
60 غ خميرة د الخبز
كنعمل الخميرة مع السكر وكاس د الماء وشوية د الطحين نخلطهوم مزيان ونخليهم يخمرو
منين كيخمر الخليط ويتضاعف كنضيف عليه الطحين لي باقي
كنعملو يتعجن ونزيد عليه الماء شوية بشوية حتى نحصل على
عجينة مرخوفة مكتلصقش فاليدين ومعجونة مزياااان
قسمت لعجينة على 12 قطعة كل وحدة فيها تقريبا 130 غ
عملت منها كويرات
طلقت لعجينة بالمدلك
وكنلويها ونخلي شوية د الفراغ باش متجيشي مدقصة من داخل
وكنشد لجناب
كنجرحها من الوسط كيف واضح ونخليها تخمر
هنا منين خمرت كنرشها بالماء بالبخاخ مزيان وندخلها للفران مباشرة
الفران مسخن من قبل على °200 ووضعت فيه إناء بالماء الغليان
فنص الطياب كنعاود نرش عليها الماء
وهاهي طايبة انا مكنحمرهاش بزاف
كيجي غزال وكيشبه بزاف للكومير الصغير الإسباني
إن شاء لله تكون إضافة جديدة لوصفاتكم
كلمات الدلالية
الخبز المغربي