 |
| شهيوات مغربية جميع أنواع الطبخ و جميع أنواع شيهوات المغربية |
هل لديكِ بقايا سمك سردين من أكلة أمس؟ عليكِ إذا بتجربة هذه الوصفة الاقتصادية الرائعة و الغير تقليدية أيضاً، كفتة السردين بالخضروات ستستمتعين بمذاق شهي و فوائد غذائية عالية شهيوات مغربية ممتعة
المقادير:
* كيلو سردين منقي و مطحون مع بصيلة و ربيع و تومة
* 2بصلات 2بطاطا 2مطيشة فلفلة خضراء و حمرا و صفرا الا موجودة
* زلافة روز مصلوق نصف صلقة
* بيضة قزبور و معدنوس و تومة
* توابل. ملح ابزار خرقوم تحميرة شوية كمون
* بنة ديال الحوت او بكري
* ملعقة مطيشة ديال الحك عصا موسى نصف حامضة معصرة نصف كاس زيت
الطريقة:
نخلطو كفتة سردين مع روز و بيضة و التوابل
ناخدو لاطة نحضو فيها شي وريقات من عصا موسى و نستفو فيها الخضر دواور بصلة عاد مطيشة عاد فلفلة مشكلة
نعملو دواور ديال الكفتة شوية كبار و نستفوهوم فوق الخضر
نديرو فوقها بطاطا دواور و نزوقو بأنواع الفلفلة و الحامض(انا نسيتو ها ها ها)
نخلطو شرمولة من توابل ربيع تومة و عصير الحامض و ضامة البنة و مطيشة الحك و الزيت
نضيفو للشرمولة لقياس ديال الماء لي غادي يطيب الكفتة ماشي بزاف و نسقيو بها اللاطة مزيان
نغطيوها بالالومنيوم و فوق البوطة مباشرة و هاهية مزالة كاتغلي
و بالصحة و الراحة و هاد الاكلة كاتصلاح حتى للضياف كاتجي روعة فوق الطبلة
كلمات دلالية
سمك مشوي ،
طجين السمك المشوي ،
شميشة طجين السمك ،